"Hringtu Pa Le Ni Tuanbia Tawi" (By Danny Bawibikthawng)
Hringtu Pa Le Ni Tuanbia Tawi Danny Bawibikthawng 1909 kum, khuasik thla a vun dih i ṭ hal khuapau a hun luh caan ah khin Sonora Dodd cu Zarhpini pumh dingah Biakinn ah a kal i aa pum. Cu ni cu “Hringtu Nu le Ni” a si caah phundang deuh le sunglawi deuh in pumhnak ah caan hman a si. Thawng ṭ ha chimtu Pastor nih Hringtu nu le kong he pehtlai in thawng ṭ ha a chim tik ah hringtu nu le hna cu innchungkhar ah an biapit ning le, fa le cungah nunnak pek tiang ngamh in dawtnak an ngeih ning, cun fale hna nih hawi an lawh khawh ve nak hnga ti in harsatnak tampi lak ah rian hrang ṭ uan in fa le cungah dawtnak an langhternak kong kha fak piin a chim. Cu ti i Pastor pa nih nu le kong ṭ hatnak le nule nih fale cung i an ngeihmi dawtnak kong a chim tik ah Sonora nih cun zeihmanh a thei fiang kho ti lo i lungaw ṭ awm ngaiin Pastor chimmi thawng ṭ ha cu a ngai. Zeicahdah Sonora nih hringtu nu le dawtnak cu a theih khawh lo ti ahcun anih cu a ngakchiat lio tein hringtu nu nih mual...