Nunnak Biatak

Pathian nawlzulh hi kan damnak a si. (2 Siangpahrang 5:1-14)  (Danny Bawibikthawng) Siria siangpahrang Aram i a ralkap bawizik Naaman cu Pathian nih mithmai ṭha a pek caah teinak a hmu i siangpahrang nih bochan mi le dawtmi a si. “BAWIPA mih amah thawngin Siria cu teinak a pek caah, a bawipa mithmuh ah mi ngan le hmaizah ngaingaimi a si.” (2 Siang. 5:1b)  • Minung kan sinak ah Bawipa nih mithmai ṭha pek hi kannih a fale caah kan teinak a si. Kan rianṭuannak ah, kan sianginn kainak ah, kan khuasaknak ah, khrihfabu chung chungtel kan sinak ah, kan hawikom hna he kan i pehtlaihnak ah, kan biachimnak ah, khua kan ruahnak ah, kan tuah mi thil kip ah Bawipa mithmai pekmi kan si maw tihi a rak biapi tuk. Cu tluk in bochan mi le paral ṭha ralbawi pa cu thinghmui zawtnak in a zawt tikah lungrethei le sivang in a um. Thinghmui hma cu damh khawh lomi hma a si kha hopoah nih rak theih a si. Cu ralkap bawipa a dam lo tikah amah lawng silo, a chungkhar, a hruaimi hna a ralkap hn...

 Baibal Rel: Zeiruang ah Baibal cu kan rel lai? (Danny Bawibikthawng) Pathian nih minung sin in a rak i langhnak (reveal) cu phun 4 in hmuh khawh a si. i. Sermi Thil Hna (Creation) – Ps. 19:1-4; Rom. 1:20  Zeizong vialte hi Pathian sermi lawng te an si. Cu nih cun Pathian lianngannak le sunparnak an langhter. Cucu Cathiang nih a kan cawnpiak. ii. Chunglei Theihnak (Conscience) – Rom. 2:14-15  Khrih zumtu lawng siloin minung paohpaoh nih Pathian a um tihi cawnpiak lo le chimh lo tein a thinlung chungin an hngalh cio. Cucaah amah le zumhnak cio in cu Pathian cu an kawl i biakinn tampi cu a chuahnak a si.  Cathiang nih a kan cawnpiakmi cu Pathian muisam keng in sermi kan si caah kan chung tein Pathian a um cu kan hngalhnak a si. iii. Khrih (Christ)- Jn. 1:1, 5:8, 8:58  Khrih cu Pathian sinak in minung sinak ah a cangmi Pathian Fapa a si. Amah cu lam le biatak le nunnak a si. Biatak nih cun luatnak a kan pek. Nunnak a kan pek. Ruahchannak a kan pek. Cu biatak ...