Senthang : Khualbuk Tuanbia (By R. Hram Ceu)
Senthang Khualbuk Thawhkenhnak Tuanbia 1. Senthang khualbuk thawhkehnak hi Senthang kan zapi le chanthar mino nih afiang tein kan theih a hau. A tuanbia fiang tein kan hmuh khawh mi cu, 1974 lio ah Senthang khualbuk komiti secretary arak ttuan mi Pu Mang Cung (Phaipha) le 2013 kum ah Pu Tluang Hnin H.A (khuapi) nih an kan tial piak I afiang bik ca inn tial mi kan hmuh khawh mi a si caah an cungah lunglomhnak lampi ka ngei. An tialmi cathluan cu asau caah internet in kan taar record in kan chiah ko. 2. 1948 kawlram luatnak hmuh hnu ahmasa bik palimen thimnak caah Senthang vialte Phaipha ah meeting an rak tuah (nithla a tial lo). Mah lio ah Agenda an rak taar mi cu; 1. Pengmin saknak 2. MP thimnak 3. Rualrem lungkhahnak, arak si. Pu Mangcung tialning in bia an rak chah mi cu; a. Phunmin hi pengmin ah kan bunh ahcun unau rual karlak ah itheihthiam lonak zong a um kho. Cu caah kan peng min hi Senthang peng ah kan ni sak dih ko lai. b. MP thim asi lai caah U Lia...