Nunnak Biatak: "Pathian Tel Lo In Kum 2012 Luh Ding Cu"
January 01, 2012 "Pathian Tel Lo In Kum 2012 Luh Ding Cu" (Danny Bawi Thianhlun) Moses nih cun, “Kan sin i na kal lo dingah cun, hi hmun hin kan thawhter hlah.” Exodus 33:15 Greek biafang i “Exodus” timi cu kan Lai kokek holh in cun “Chuah” tinak sullam a si. Hi cauk nih a langhtermi cu Izipt ram i sal tangmi Israel miphun cu anungmi Pathian nih Moses hmang in luatnak le khamhnak apek hna tik ah sal an tannak Izipt ram cu an chuah tak timi kong le Pathian nih sal dirhmun in a chuah mi hna Israel miphun cu Sinai Tlang ah Amah Pathian he biakamnak an tuah timi kong hi a si. Moses nih cun Israel miphun cu a Izipt ram in a chuah pi hna. Lam tanttim an phan. Pathian nih Moses cu Sinai Tlang cungah bia a chimh. Cu caan karlak ahcun Israel miphun nih sal tannak Izipt ram chungin a chuahtu hna Pathian cu an philh riangmang i an ngeihmi sui hna khan siasel cawfa kha an ser i an pathian ah an iser. Moses cu tlang cungin a rum ttum tik ah a miphun hna nih a...