Nunnak Biatak

Tyson Foods Company le Chin Miphun (Danny Bawi Thianhlun) US ram kan rak phanh i mipem dirhmun in a ummi kan si tikah khuasak le kan nun hi a thar in thok cio haumi lawngte kan si. Kan sining le kan dirhmun zoh tikah hawi bantukin fimnak le ngeihchiah a ngeimi kan um lo. Thazang bak in tan i nunnak caah fak piin riantuan kan hau. US ummi Chin miphun milu hi thong 30 tluk kan si lai tiah zumh a si. Cu chung ahcun minung 200 hmanh hi zungah a thu khomi kan si lo.  Kan nunnak le kan pawcawmnak caah tiin mah le khua le ram hoih in rian kan kawl i kan cawlcang cio. Kan riantuanmi hi kan i lo hna lo. Sehzung (warehouse / factory), rawldawr (restaurant) , riahnak inn (hotel), din-ei zuarnak (Market), tbk hna ah kan tuan hna. Pumpak in pawcawmnak rian (Self-employed) a tuanmi hi 100 fai lawng kan si rih. US ram ummi Chin mi thong 30 hna rian a kan petu hna lak ah company nganbik cu Tyson Foods Company (Sa Thahnak) hi an si. Hi Tyson sa thahnak hi um lo in sisehl...

Zeicaahdah Nupi Le Pasal Hi Kan Ngeih? (Danny Bawibikthawng) Nupi le pasal ngeih timi cu Laimi nih  “Ṭhitumnak” tiah kan ti. Vunrang pawl nih mirang holh in “Marriage” tiah an ti ve nain kannih he kan i fianning hi cu aa dang kho men. Ṭhitumnak timi biafang kan hman tikah kannih Chin miphun nih cun tluang ngai le fiang ngai in nu le pa kha zungzal caah a fekmi biakamnak he pumkhat sinak hrawm dingin an i ṭhi-um tiah kan ruah khawh colh. Sihmansehlaw tu chan mi tampi nih cun ṭhitumnak hi nu le pa lawng siloin pa le pa, nu le nu zong a si kho tiah an pom. Kha ti lei pang kha cu atu ah cun langhter duhmi a si lo. Zeicaahdah nupi le pasal kan ngeih timi kong tuhi kan Baibal nih zeitindah a kan cawnpiak timi hoih lei in van langhter ka duh. Zapi kan thei cio bangin ṭhitumnak cu minung nih siloin Pathian nih a rak thawkmi a si. Ṭhitumnak caah khuakhang laireltu hi amah Pathian a si fawn. Ṭhitumnak  cu nu le pa pahnih karlak ah a hmun dingin sermi a si. Pathi...