Khrihfa Le Pekchanh Nun

By -

Khrihfa Le Pekchanh Nun
(Christian And Sacrificial Life)
Danny Bawi Thianhlun

A sual cangmi minung hna cu Pathian nih dawtnak in pehtlaihnak kan ser lai a ti tikah a sangbikmi pekchanhnak (ultimate sacrifice) in pehtlaihnak hram cu a thok. Cucu zeidah a si tiah cun Pa Pathian nih a Fapa ngeihchun Jesuh Khrih cu minung kan caah hi vawlei i a rak thlah cu a si. Kum zabu 19 lio i Africa ram ah thawngṭha chim dingah pumpek in rammui rianṭuantu David Livingstone nih a timi cu “Rammui (mission) ah thawgṭha chim dingin a voi 1nk thlahmi (pioneer missionary) cu Jesuh Khrih a si i a thlahtu (sender) cu Pa Pathian a si” tiah a ti. Cucu Pathian nih minung caah a sangbikmi pekchanhnak a tuahmi a si (Johan 3:16).

Cu i Pa Pathian thokmi pekchanhnak sullam tlam a tlin khawhnak ding caah Pathian nih a hman hmasatbikmi minung cu Mary (Jesuh nu) a si. Pathian vancungmi a rat i bia a chimmi cu, “ Nau na pawi lai i fapa na hrin lai i a min ah Jesuh na sak lai” (Luka 1:31) tiah a ti. Mary cu a lau tuk hringhran. Zeicaahtiah, amah cu Josef he aa ham ciami a si lawng siloin Pathian a ṭih i amah le mah zong man ngei tein aa chia i aa kilvengmi nungak thiang a si. Pa he ih ṭi lo cun fa pawi khawh a si fawn lo. Cu chan lio i nunphung umtuning ah pasal ngeih hlan i fa a pawimi cu mipi lakah chuahpi i ningzah-mualphonak vialte in ter dih hnu ah thihnak tiang dantat khawh a rak si. (Luka 1 kha rel chap te.)

Sihmanhsehlaw, Mary nih Pathian fialmi cu al aa tim lo i nunnak pek tiangin nawlngaihnak lam cu aa thim. Mary nih ningzah-mualphonak vialte lawng siloin a nunnak hrimhrim kha Bawipa caah a pek. Cucu minung nih pekchanhnak kan tuahmi vialte lakah a sangbikmi pekchanhnak cu a si. Mary nih cun pa he ih ṭi loin Fapa cu a hrin taktak (Luka 2:6). Vawlei ser kaa nih tuni tiangah cubantuk thil cu a cang ballo i zeitikhmanh zongah a cang kho lo dingmi thil asinain Mary nih nunnak pek tiangin nawlngaihnak (Fully Obedience) lam kha a zulh tikah Bawipa sunparnak cu a lang. “Zeicaahtiah Pathian nih a tuah khawh lomi thil zeihmanh a um lo” (Luka 1:37) tiah a ti.

Mi tampi nih zeiruangahdah Mary theng te cu Pathian nih a thim i a hman hnga tiah an ti. Mary cu Pathian a ṭihmi nu a si. Amah le mah zong man ngei tein aa chia i aa kilvengmi nungak thiang a si. Amah nun himnak hmanh ruat loin Pathian nawlngaihnak lam kha aa thim ngammi nu a si. Zumhnak (faith)  a ngei i nawlngaihnak (obedience) he kar a hlaangmi nun ah hin Pathian thil ti khawh ṭhawnnak le a sunparnak hi a lang zungzal. Mi tampi cu zumhnak kan ngei ko nain nawlngaihnak nun kan ngeih lo tik ah kan nun ah Bawipa aa phuang kho lo. Baibal nih raithawinak nak in nawlngaihna khi a ṭha deuh tiah a ti (1 Samuel 10:22).

Chin miphun thong 30 tluk kan umnak USA ram ah Chin khrihfabu hi 200 tluk kan um. A buaktlak in kan tuanbia hi zoh ahcun zapi zaran cu kum 10 tluk (one decade) hrawng lawng kan si rih hna. Cu caan tawi te chungah cun Bawipa nih thluachuahnak a kan pek i Pastor Thawngling Mualhlun hruaimi khrihfabu  (Chin Evangelical Baptist Church, Indianapolis, IN), nih a voi 1nk biakinn ṭha taktak a kan sak piak. US ram ah khua kan saknak ah kan pawngkam ah kanmah nak in a fim deuh le a ngei deuh kan timi vunrang pawl cu an sak ciami biaknak hna hmanh kha leiba (bill) a ni pek khawh lo caah biakinn tampi cu an khar i a cheu cu an zuar ṭhan. Cu Bawipa nih thluachuahnak a kan pekmi biakinn thar luh ah cun keimah zong a kan sawm ve caah USA ummi Chin miphun nih tuanbia dawh ṭialnak ah itel ve lo cu ka ti i Chicago in October 27, 2012 ah biakinn luhnak ah cun ka va itel kho ve.

CEBC Khrihfabu chungtel hna zoh tikah mirum mingei ngaingai an um lo lengah ralzam dirhmun in nizaan tihni a rak phan i cozoh bawmhnak in khua a sami an tam. Cu nih fiang tukin a langhtermi cu thil ngan pipi rak limnak ding caah hin chawva thazaang rak siloin lungthin tuhi a rak si deuh tihi a si. Cubantuk lungthin nih a rak chuahpimi pekchanhnak nun nih cun pumpak, innchungkhar, le miphun pi hi a sersiam zungzal.

Khrihfa nun zongah pekmi a tepmi nak in petu nun hi a rak dam deuh zungzal. Tahchunnak ah, khrihfabu cheukhat hna ah cun atu bantuk Khrismas caan hna ah hin Khrih chuah lawmhnak caah tiin vok, ar, caw, phaisa tibantukin pekchanhnak (hlutnak) an tuah tawn. Cu tikah minung ruahnak lei in cun a petu caah heubau leipeng a si ko nain a taktak in petu nunram zoh tikah pekmi a cotu nak in petu nun hi a rak dam deuh zungzal. Pekmi a rak ihrawmmi nak in petu lungthin ah lawmhnak a rak tam deuh. Petu nunram ah lungthin a nuam i lungthin a dam. Hnangamnak nih a lungthin ah hmunhma a lak i Pathian bia bangin a nunram ah thluachuahnak tampi an hmu.

Cun, kan vawlei le pawngkam zoh tikah miharsa tampi an um. Cubantuk miharsa hna caah bawmhnak kan kawl tikah bawmhnak hi mirum-mingei kut theng in a ra lo. Khrihfabu tuanbia zoh tik zongah nunpehtu bawmhnak tam deuh a ratnak hi misifak le santlailo hna kut in a si tawn. Cucaah, mi bawmhnak caah kan ti tikah hin sui le ngun, sum le pai theng a rak si lo i lungthin tuhi a rak si deuh.

Khrihfa nih zumhnak kan ti tikah hin Pathian bia nawlngeihnak tel lo in kan tuahmi tuahsernak hi pakpalawng a rak si i dawtnak kan ti tik zongah pekchanh nun taktak a rak itel lo ah cun zeihmanh santlaihnak a ngei lo.

Cucaah, khrihfa le pekchanh nun cu ṭhen awk a ṭha lomi a si.

Bawipa nih kan zapi te caah thluachuahnak kan pek piak ko seh!.

Comments

Post a Comment

Popular posts from this blog

When Neutrality Is Not an Option: Why the Church Must Use Its Resources to Defend Christian and Ethnic Minorities in Myanmar

By -
Image
When Neutrality Is Not an Option: Why the Church Must Use Its Resources to Defend Christian and Ethnic Minorities in Myanmar (Danny Bawibikthawng) Photo From Christiannity Today: Smoke and fire in Thantlang in Chin State caused by shelling from Junta military troops Introduction: A Moral Crisis for the Church The 2021 military coup in Myanmar has intensified a longstanding campaign of brutal oppression against the country’s ethnic and religious minorities. Christians, especially from the Chin, Kachin, and Karen ethnic groups, are being targeted through systematic violence, forced displacement, imprisonment, and the destruction of churches and entire villages. According to  Human Rights Watch’s World Report 2023 , more than 2.5 million people have been displaced, and hundreds of churches have been deliberately destroyed by the regime. What makes this crisis even more urgent is that many of the Christian immigrant congregations in the United States, Australia, Canada, and Europe, par...
Read more

The Strength to Forgive: Building Unity in a Divided Myanmar (By Danny Bawibikthawng)

By -
Image
The Strength to Forgive: Building Unity in a Divided Myanmar By Danny Bawibikthawng “The author of this paper is not a politician or a revolutionary, but a former citizen of Myanmar and an immigrant pastor in the United States. This reflection is written from the perspective of one who has closely observed the suffering, resilience, and hopes of his people—both in the homeland and in the diaspora. It is offered with the sincere hope that unity will emerge through forgiveness, and that Burma may one day flourish in peace, justice, and shared dignity among all its people.” Introduction Myanmar is a country rich in ethnic diversity, cultural heritage, and spiritual resilience. Yet, its history has been scarred by conflict, colonialism, military dictatorship, and deep internal divisions. The collapse of national unity cannot be attributed merely to external threats or oppressive regimes, but also to the fractures within. Today, as the nation suffers under renewed violence following the 202...
Read more

Mother’s Day: Honoring Our Mothers as a Sacred Pathway to God’s Blessing

By -
Image
  Mother’s Day: Honoring Our Mothers as a Sacred Pathway to God’s Blessing By Danny Bawibikthawng    Mother’s Day is celebrated around the world, though the date may vary depending on country and tradition. In the United States, Canada, Australia, and even Myanmar, Mother’s Day falls on the second Sunday of May. While many see it as a modern holiday, the practice of honoring mothers goes back much further—rooted not in social custom alone, but in God’s Word. The Origin of Mother’s Day The modern celebration of Mother’s Day in the United States began through the efforts of a Christian woman named Anna Jarvis. In 1908, she organized a service in memory of her mother, Ann Reeves Jarvis, at St. Andrew’s Methodist Church in Grafton, West Virginia. Her mother had served faithfully as a caregiver during the Civil War, offering support and compassion to many. Although the U.S. Congress initially rejected the idea of a national holiday, Anna persisted in her campaign until Preside...
Read more