Nunnak Biatak

Kan Nun Hi Man Ngei In Kan Hmang Maw? (Danny Bawibikthawng) “Kan nunnak hi zeitluk in dah a tawi ti kha kan hngalhter law cuticun kan fim deuh lai.” (Salm 90:12) Pathian nih a kan pekmi caan hna hi kum in kan rel tikah   kan hmuhmi cu kum 1 ah ni 365 (days) kan ngei i a suimilam (hours)   ṭem in tuak ahcun 8765.81 kan ngei tinak a si. Minit in kan rel tikah kum 1 chung kan ngeihmi dihlak cu minit 525949 (minutes) a si i seken (second) in cun 31,536,000 kan ngei. One Year 365 Days 8765.81 Hours 525949 Minutes 31,536,000 Seconds Vawleicung mifim hna nih minung thihnak cazin (World Death Rate) he pehtlai in hlathlainak an tuahmi hi theihhlei caah zoh rih hmanh usih.   An chimmi cu kum khat ah a thi mi minung cu milian (million) 56 tluk an si. Hiti tuak ahcun kawlram milu zat kan si.   Seken pakhat i a thi mi hi minung pahnih tluk lengmang an si caah minit pakhat ahcun minung 105 an thi tinak a si. Minit p...