Biazai: Nupi Dawt Zia Thiam A Hau.
Nupi Dawt Zia Thiam A Hau
Nupi dawt zia, a thiammi nih,
Ei thaw din thaw, aa ei zungzal,
Nupi cawisan, a thiammi nih,
Upat an hlawh, thangṭhat an co,
Nupi ṭha cu, sui-ngun an hluan.
A ho hmanh nih, an iang hna lo.
Pasal caah, iang an ngei khun,
Innchungkhar ah, an thlum-al khun.
Nupi dawt ah, a daithlang mi,
Meh rep lo le, buhṭhing ro he,
Ruun inn tangah, pahmei ro bang,
Kual lengmang in, khua a sa tawn.
Nupi ṭhit cia, cawisan thiam lo,
Mi mithmai ah, mualpho an hlawh,
Tintling cungah, chizawh tum bang,
Merem thiam lo, khuaza an ruat.
Mi fanu ṭhit cia, a daw lomi,
Thetse ram ah, khual tlawng mi bang,
Van zoh a sang, lei zoh a pit,
Vava an tum, ho theih piak lo :P
(Salai Tluangvellian nih an nu a dawtnak kong biazia a phan tawn mi hna relnak in ka lung chuak mi bia hna biazia in ka hei vawr sawhsawh ve bia lol )
Comments
Post a Comment