Nunnak Biatak

Nunnak Biatak: Zumtu Le Harsatnak (Danny Bawibikthawng) Minung kan nunnak ah harsatnak, hnahnawh buainak, damlonak, ngaihchiatnak, le thihlonak hna hi kan rak ton hna i atu zongah kan ton cuahmah rih fawn hna. Tuhnu hmailei zongah kan ton rih dingmi hna an si. Cucaah Baibal zong nih, “Vawlei nih harnak an pek hna lai (Johan 16:33)” ah fiang tein a kan cawnpiak. Cun, ati rihmi cu, “Ngaih hmanh u! Cenghngia hrang rual lak i thlahmi tuu bantukin kan thlah hna (Matthai 10:16b)” tiah a ti rih. Khrihfa tampi nih zumtu kan si i thla kan cam ahcun Pathian nih harnak le buainak vialte chungin kan luat dih lai tihi kan ruah ṭ heu tawn. Cucu Baibal nih a kan cawnpiakmi he ai kalh ngaingai. Minung kan nun chung paoh cu hi vawlei nih a chuahpimi harsatnak hna hi kan ton peng rih ko lai. Cu a si caah, Khrih a zummi nang le kei zong nih kan ifian dingmi cu zumtu nun cu harsat-buainak le lungretheihnak um lo ti siloin hi vawlei nih a chuahpimi harsatnak le buainak vialte tu ...

Lenglang Muisam Maw, Chunglei Lungthin Dah? (Danny Bawibikthawng) Hi vawlei ah minung ciocio kan si nain nu khat hrinmi unau hna hmanh kan ruahnak le kan lungput hmuhning cu aa khat cio hna lo. Cucaah mi tampi nih kan i buaipi tawnmi cu, “lungthin maw a biapi deuh, muisam dah?” tihi a si. Khat lei in chim ahcun mit in hmuh khawhmi lenglang muisam pumrua dawhnak maw a biapi deuh siloah mit in hmuh khawh lomi chunglei lungthin dawhnak dah a biapi deuh ti kha an chim duhmi a si. Ruahnak aa dangmi minung tampi kan si bantukin mi tampi nih cun lenglei muisam dawhnak hi a biapi deuh tiah atimi zong cu an tlawm ve lo. Cu hna nih an timi cu, “Lungthin ziaza cu remh khawh a si i muisam cu remh khawh a si lo” tiah an ti.  Asinain, mi tampi nih kan philh tawnmi le kan ruah setsai tawn lomi cu idawh dingin remh khawh lomi muisam nih zeitluk hmanh in zohdawhlo si ko hmanh sehlaw mi caah harnak le chiatnak a chuah pi lo. Sihmanhsehlaw, idawh dingin remh khawh a si timi lungthin cu re...

Mipi Caah Rianṭuan Ti Mi Cu (Danny Bawibikthawng) Rev. Dr. Hla Aung, Danny Bawi Thianhlun, Rev. Dr. Henry Siang Kung @ The 2nd GCCF Conference (Kuala Lumpur, Malaysia) Mipi caah khua kan khang, bia kan chim i rian kan ṭuan kan ti tikah tlamtling ruangah le soisel awk ngeilomi siruangah ṭuan a si lo. Cun, pumpak minung pakhat cio kha an lung kan ton khawh dih hna lai ti zong a si lo. Lai phungthluk ah, “Dawtu za zat, huatu za zat” ti a si bantukin kan mipi caah kan ruah, kan chim i kan tuahmi hna hi a duhtu an um bangin a duhlotu zong a rak um ve hrimhrim lai.  Minung cu a kan dawtu nih kan sining nak ṭha deuh in a kan thangṭhat ve bantukin a kan dawlotu hna zong nih kan sining nak in chiakha deuh in a kan thangchiat ve tawn. Sihmanhsehlaw, kan Baibal nih mipi caah rian kan ṭuan tikah kan theih zungzal dingin bia a kan cahmi cu, “Nan tuahmi cu a dihlak in Pathian sunparnak caah siter ko u (1 Korin 10:31b- NIV)” tiah a ti. Cu thil cu mipi lei zong nih ka ifia...