Nunnak Biatak: Lenglang Muisam Maw, Chunglei Lungthin Dah?
Lenglang Muisam Maw, Chunglei Lungthin Dah?
Hi vawlei ah minung ciocio kan si nain nu khat hrinmi unau hna hmanh kan ruahnak le kan lungput hmuhning cu aa khat cio hna lo. Cucaah mi tampi nih kan i buaipi tawnmi cu, “lungthin maw a biapi deuh, muisam dah?” tihi a si. Khat lei in chim ahcun mit in hmuh khawhmi lenglang muisam pumrua dawhnak maw a biapi deuh siloah mit in hmuh khawh lomi chunglei lungthin dawhnak dah a biapi deuh ti kha an chim duhmi a si.Ruahnak aa dangmi minung tampi kan si bantukin mi tampi nih cun lenglei muisam dawhnak hi a biapi deuh tiah atimi zong cu an tlawm ve lo. Cu hna nih an timi cu, “Lungthin ziaza cu remh khawh a si i muisam cu remh khawh a si lo” tiah an ti.
Asinain, mi tampi nih kan philh tawnmi le kan ruah setsai tawn lomi cu idawh dingin remh khawh lomi muisam nih zeitluk hmanh in zohdawhlo si ko hmanh sehlaw mi caah harnak le chiatnak a chuah pi lo. Sihmanhsehlaw, idawh dingin remh khawh a si timi lungthin cu remh khawh lo sual ahcun kan vawlei caah harsat-buainak le ṭihnung ral phunphun a chuahpi. Khat lei in kan chim ve a si ahcun kan vawlei muichiat tertu le kan vawlei caah ṭihnung sivai ṭhalo chuahpi tu an si.
Cu thil kong cu kan Baibal zong nih fiang tein a kan cawnpiak ve. Phungthlukbia 31:30 ah, “Iang hi hlen a hmang, dawh hi a ziam kho, Sihmanhsehlaw Bawipa a ṭihmi nu cu thangṭhat awk a si” tiah a ti. Iang le dawhnak cu lenglei hmuhnak in a rami a si i Bawipa ṭihnak timi cu chunglei dawhnak in a rami a si.
Comments
Post a Comment