Nun Chimtu

Nun Chimtu

Ca‬ rel lo in fim itimh cu hruh phun khat a si. Margaret Fuller nih cun, "Tuni ca a rel mi cu thaizing hruaitu an si" tiah a ti. Kawl phungthluk ah cun, "Fimnak cu ca chung ah a um" ti a si. Kan Baibal nih, "Fimnak cu lungvar sen man sung le kan ngeihmi hlawn vialte nak in man a ngei i a sunglawi deuh" (Phungthlukbia 3:15) tiah a kan cawn piak. 

Cawn‬ huam lo in saza (cawnpiaktu) phunphai kan karh tikah mibu hruainak cu a zaw tawn. Albert Einstein nih cun, "Mihrut zong nih thil ṭha cu an theih ve ko nain cawnnak a ngei lo mi nih cun an i fiang kho taktak lo" tiah a ti. Cawnnak ngeih lo kha sual a si lo. Saza ṭuan khawhnak tiang cawnnak ngeih ṭung lo i saza ṭuan duh tuk kha hruh a si. Baibal nih "Tam tuk in saya nan si awk a si lo, zeicahtiah kannih saya pawl hi hawi nak fak deuh in biaceihnak kan hmu lai ti kha nan hngalh" (Jeim 3:1). 

Mah‬ nih i nunpi khawh ṭung lo in mi nun va chimh va cawnpiak cu mah le mah mualphoh a fawi. Cathiang zong nih chimrel chim lo, zumhnak hmanh hi nunnak ah a tak in i nunpi lo ahcun a deu a si a ti (Jeim 2:14-26). Tuah ṭuannak ah i tel ṭung loin chim relnak ah tam tuk i thlak cu mi nehsawhnak men ah a cang. 

Ngeih‬ huaha ṭung lo in lungpuam ngai in a ngei bantuk i biachim cu mah le mah thluachuah i phih a si. Cucu khat lei in kan chim ahcun porhlawtnak nun ngeih i mi zeirel lo phun khat a si. Sual vailte lak ah Pathian nih a huat bikmi sualnak pakhat cu porhlawt ruamkai nun ngeih i mi zeirel lo hi a si (Phungthlukbia 3:34, Jeim 4:6, 1Pet. 5:5). Khuaruat hauha lo in mah duh paoh i tlawnlen cu paamnak lam zulh he aa lo. 

Sihmanhsehlaw‬, cawnnak le ngeihchiah chawva tampi ngei lo zong ah kan minung hawi hna lak i khua kan sak tikah toidor nun, baichim holhrel i ralrin i dingfel tein nun ahcun mipi nih an tlaihchan hna i upat hmaizahnak zong an tong. Cun, Pathian zong an cungah aa lawm i thluachuahnak zong an hmu.

Comments

Popular posts from this blog

When Neutrality Is Not an Option: Why the Church Must Use Its Resources to Defend Christian and Ethnic Minorities in Myanmar

The Strength to Forgive: Building Unity in a Divided Myanmar (By Danny Bawibikthawng)

Mother’s Day: Honoring Our Mothers as a Sacred Pathway to God’s Blessing