Nunnak Biatak: Kan Nun Lio Ah I Daw Usih.
Kan Nun Lio Ah I Daw Usih.
=====================
August 2016: Philedelphia, PA
#Minung hawi hna kan dawt mi hna hi Pathian theih cu a si. Jesuh nih amah zumtu hna sinah a biapi bik in a kan cah mi cu, "Nawlbia thar kan pek hna: pakhat le pakhat i daw u. Keimah nih kan dawt hna bantuk hin pakhat le pakhat nan i dawt awk a si. Pakhat le pakhat nan zawn nan i ruah ahcun mi vialte nih, hi hna hi amah a zultu kha an si, tiah an in hngalh hna lai,” (Johan 13:34) tiah a ti hna.
Jesuh nih rak i daw u tiah a timi hna hi mithi le mithi siloin minung minung kan si. Mi dawtu dingah a fial mi hna zong hi zumlotu siloin amah a zumtu a kan fial. Mithi siloin minung a kan fial. Jesuh nih Peter cu na ka daw taktak ma tiah voi 3 kheng te a hal. Peter nih Jesuh halmi cu lungthin dihlak le lungkuai ngai in "Bawipa kan dawt cu na hngalh ko cu ta" tiah a leh (Johan 21:16-17). Cutikah Jesuh nih Peter cu "Na ka dawt taktak a si ahcun ka tu hna kha zohkhenh hna" tiah a ti.
Hi Cathiang nih fiang tein a langhter mi cu Pathian zumh le Pathian dawt kan rak timi hi kan minung hawi hna kan dawt khawh ṭung hna lo cun cu kan zumhnak le Pathian kan dawt kan timi cu a deu mi zumhnak le dawtnak men a si.
Cucaah, kan minung hna kan dawt mi hna hi Pathian zumh le theih cu a si i kan minung hna caah thil ṭha kan tuah mi hi Pathian dawtnak i fian cu a si.
Comments
Post a Comment