New York Life Insurance Company (NYLIC) le Pu Stanley Hram Uk

By -
New York Life Insurance Company (NYLIC) le Pu Stanley Hram Uk
By Danny Bawi Thianhlun




Minung umnak vawlei hi pakhat lawng a si ko. Sihmanhsehlaw cu vawlei pakhat i a ummi minung hna hi kan ram le kan umnak ruangah siseh, kan hmuhtonmi le kan theihmi ruangah siseh,  kan cawnnak le kan tlawnlennak ruang ah siseh, kan ruahnak le kan hmuh ning hna hi pakhat le pakhat ka ni khat hna lo. Minung ciocio hmanh ah pakhat le pakhat kan vun le ka mui zong ai khat hna lo i kan ruah ning le kan hmuh ning zong aikhat kho cio hna lo. Nu le pa khat chung in a chuakmi unau kan ruah ning le ka duhmi hna hmanh ai khat hna lo.

Cu caah atutan keimah nih New York Life Insurance Company le Pu Stanley Hram Uk timi tlangtar in kan rak ttialmi article tawite kong zongah hin keimah hmuhning le ruahnak ka rak ttialmi a si caah keimah bantuk siloin phun dang deuh in nan rak hmuh zongah minung  phung a si ko. Sihmanhseh, hi ka rak ttial duhnak sullam cu 1) Thil ttha a si caah theih ttha le hngalh ttha a si, 2)Thil ttha kan theihmi kan tuah khawh ahcun minung caah thil ttha tampi a chuah pi, 3) NYLIC bantuk company hna ah kanmah Chin miphun chungin min ngei ngai le felfai tein rian a kan ttuan piak khotu Pu Stanley Hram Uk hi upat a tlak hrimhrim,  timi hoih lei in ka rak ttial duh.

New York Life Insurance Company Tuanbia Tawi

New York Life Insurance Company (NYLIC) cu US ram ummi Life Insurance vialte lak ah a nganbikmi company a si.  USA ram sipuaizi a tlak cuahmah lio hmanh ah ttum chuk loin vawlei cung a tthangchobik company 100 lak zongah aatel khomi company a si.

1845 ah Nautilus Insurance Company tiah New York khualipi ah an rak dirh i 1849 kum ah New York Life Insurance Company tiah an rak thlen.  The New York Life Buidling pi cu President Darwin P. Kingsley chan lio ah  Architect minthang Cass Gilbert nih a rak suai i 1928 ah a rak lim.

Ramchung Rianttunnak le Zung

Cuti te i a hram an rak domhmi company cu a rianttuan ning a tthat tik ah mi tampi nih a rak thlaihchan i an rak fuhpanh cio. Atu ah cun USA ramchung ummi ramtthen (State) 50 ah officially tein License a tuah i kuapi le hmual ngeiin rian a ttuanmi company a si. Cuti a rak tthan i 2011 a rak phak tik ahcun a tanglei khualipi hna ah ropui taktak in building ngan pipi he rianttuannak an rak ngei kho cang.
1.     New York Life Building, New York City
2.     New York Life Insurance Building, Chicago
3.     New York Life Insurance Building (Kansas City)
4.     New York Life Insurance Building, Montreal
5.     New York Palace (Budapest)
            6.     New York Life Insurance Building (Amsterdam)

Rianttuantu Hna

A rak dirhkaa i a voi khatnak hotu (the first president) a rak ttuanmi cu James DePeyster Ogden a si  i a tu lio hotu cu Ted Mathas (Chairman of the Board, President and Chief Executive Officer) a si. 2005 i NYLIC ah rianttuan tu (Emplyees) hi 12650 an rak si i atu 2011 ahcun minung rianttuan tu (Employees) hi 17000 renglo an si cang. Cutluk a tthangchomi le company ahcun rianttuan aduhmi mifim cathiam hna hi a tam tuk hringhran. Culak hna i kanmah Chin miphun hna chungin Pu Stanley Hram Uk hna a rak tel hi cu kan Chin mphun caah lawng hmanh ah silo Kawlram in a rami hna ca zongah mithmai a um i Pathian sin ah zong lawmhnak bia chim ding kan si tiah ka hmuh.

Pu Stanley Hram Uk Tuanbia Tawi le A Rianttuannak Kong Tuanbia Tawi

Pu Stanley Hram Uk hi 1957 ah Senthang peng, Surkhua khua ah Pu That Tum le Pi Cang Men nih a rak ngeihmi a si.  Pi Phun Eng he tthitumnak an rak ngei i Pathian nih fanu pakhat le fapa 2 an pek hna. Atu ahcun kum 54 tluk a si cang. Atu lio ah US khua nganbik khualipi New York khua ah khua  a sami a si.

Pu Stanley Hram Uk hi a dang Life Insurance Agents hna bantukin part time silo le rianhlei bantukin rianttuanmi siloin NYLIC ah caantling le pawcawmnak rianttuan tu (Fulltime and Professional) dirhmun in rian a ttuannak hi kum 13 a si cang.  A rianttuannak ah a felmi le a zuammi a si caah Pathian zong nih thluachuahnak tampi a pek. Amah hi mi ttha, mi lungthin tluang, le mi nuam pakhat a si caah a sin um le amah he biaruah hi a nuam ngaingai. Cu lawng cusiloin Pathian hi aduh i Pathian a tlaihchan ngaingai mi a si. 2011 thawk zong tlangrai (Flu) in ka zaw i cu lio zongah cun kan inn te ah ra in thlacamnak a rak kan ngeih piak. Cuti Pathian sin ah thla a rak ka cam piakmi nih cun ka thinlung ah bia tampi a chim. A cung zongah ka lawm i Pathian sin zongah lawmhnak bia ka chim.

A rianttuannak zongah a rianttuan hawi hna le a bawi le hmai zongah mithmai ttha a hmu. USA ummi Chin miphun chungin Life Insurance aa tuah khomi tambik cu NYLIC ah hin an ituah i amah nih hin a tthabik in a bawmh hna.

Amah sinah Life Insurance a cawmi chungin keimah theih tawk cun minung 10 tluk an thi cang. USA ram i thih le loh kan ton tik ah kan har ning le ruakvui nak caah phaisa a dih ning cu a ho poah theih cia a si ko. Lungretheih ngaihchiat lio i khat lei ah ruakvui nak caah phaisa dihmi kong ruah hin cun khua cimui taktak khi a si. Van zoh a sang, vawlei zoh ah a pit. Lungthin vansang lawng hmanh siloin zapi zaaran kan caahcun khuaruahnak hi a mui in a mui. Athi cangmi cu an va thih cang ko bu ah a nung rihmi innchungkhar, unau hna le Khrihfabu hawi kom cingla rualchan sahlawh ca hrimhrim ah lungretheih tuar hi a har khun.

Cu lak ah Pu Stanely Hram Uk  te company NYLIC ah Life Insurance a rak cawmi hna cu Pu Stanley Hram Uk nih a bawmh hna hi an nun lio i phaisa tlawn te in an rak cawkmi Life Insurance cu ruakvui nak ca lawng hmanh ah siloin tantakmi innchungkhar, u le nau hna tiang caah a a tthat hnem.  Keimah theihtawk hmanh ah phaisa a ting leng in a thoh piak cangmi hna hi Fort Wayne, IN ummi Tedim kan unau pa, Florida hi kan hnu kum ah mual a rak kan liamtakmi Saya le atu i Seattle, Washington i mual a kan liam takmi Tv. Tawk Hnin Zam hna an si. Cu ti kan titik ah a dang Life Insurance cu a ttha lo ka timi a si lo.  Kanmah Chin miphun chungin a dang Insurance Company ah Life Insurance a caw mi chung in an thih tik ah an cawkmi Life Insurance Benefit an hmuh taktak timi hi ka thei bal rih lo.

Kan Chin miphun hna chungin NYLIC ah Life Insurance a caw mi hna minung lak ah minung 10 nih mual a kan liam tak cang. Cutik ah Pu Stanley Hram Uk nih a bawmh hna hi $ 100,000.00 leng check in a chuah piak hna ka theihmi hi an tlawm ti lo. Chin miphun caah $ 100,000.00 timi hi a tlawm hrimhrim lo. Ruah ah hin zumh a har ngai nain a taktak a si fawn.

Atu zongah….

Seattle khua, Washington peng ah ruah lo piin mual a kan liamtakmi Tv. Tawk Hnin Zam (Lungtar, Senthang peng) zong a nun lio ah NYLIC ah Insurance a rak cawmi a si caah amah Pu Stanley Hram Uk tthiamtthiam nih a bawmh i $ 100,200.00 fai check a chuah piak cang tiah kan theih. Tv. Tawk Hnin Zam ruakinn kalpi nak ding hmanh ah $ 1000.00 deposit nan chiah lo ahcun a ngah lo tiah an ti hna i cu hmanh ahcun kannih Chin miphun a rak phan thar hna caah cun duak tiah $ 1000.00  chuah cu a fawi lo. Pu Stanley Hram Uk  zong cu dam in a um ah cun Seattle khua, Washington peng ah cun ruak va humh pah le tangkaa $ 100,200.00  leng va pek pah ah a kal lai ti thawng kan theih.

Hi Life Insurance kong he anmah Agents nih an chim tik ah mipi nih kan ruahmi cu anmah pawcawmnak sipuazi caah an chim men tiah kan rak ruah nain hi hi bantuk ni khua hna kan phak taktak tik ahcun cu kanmah caah bawmchantu taktak an rak si timi hi a lang.

Cu caah kannih Chin miphun nih Life Insurance kan cawk lai kan ti a siahcun kum 166 tiang felfai le hmual ngei in a dir cangmi New York Life Insurance Company (NYLIC)  ah kanmah Chin miphun chungin kumpi kum 13 renglo rian a ttuan cangmi Pu Stanley Hram Uk he pehtlai in Insurance kan cawk  a siahcun hna zong a ngam bik i atak zongin tthathnemnak (Benefit) a kan pek hrimhrim tihi langhter ka duh.

Hi bantukin felfai le dawtnak lungthin tak he New York Life Insurance Company (NYLIC) ah rian a kan ttuan piak kho tu Pu Stanley Hram Uk cungah Bawipa tu nih thluachuahnak pe chin hram ko seh.

New York Life Insurance Company he pehtlai in pehtlaihnak le thawngpang hlathlai a duhmi nan um ahcun atanglei  ah hin pehtlaih khawh a si.

New York Life Insurance Company
Stanley H. Uk, LUTCF
Manhattan General Office
120 Broadway
Suite 3700
New York, NY 10271
Office: (212)-261-0231
Cellular: (646)-245-3155
FAX: (212)-261-9550
Email: stanleyuk@ft.newyorklife.com





Comments

Post a Comment

Popular posts from this blog

When Neutrality Is Not an Option: Why the Church Must Use Its Resources to Defend Christian and Ethnic Minorities in Myanmar

By -
Image
When Neutrality Is Not an Option: Why the Church Must Use Its Resources to Defend Christian and Ethnic Minorities in Myanmar (Danny Bawibikthawng) Photo From Christiannity Today: Smoke and fire in Thantlang in Chin State caused by shelling from Junta military troops Introduction: A Moral Crisis for the Church The 2021 military coup in Myanmar has intensified a longstanding campaign of brutal oppression against the country’s ethnic and religious minorities. Christians, especially from the Chin, Kachin, and Karen ethnic groups, are being targeted through systematic violence, forced displacement, imprisonment, and the destruction of churches and entire villages. According to  Human Rights Watch’s World Report 2023 , more than 2.5 million people have been displaced, and hundreds of churches have been deliberately destroyed by the regime. What makes this crisis even more urgent is that many of the Christian immigrant congregations in the United States, Australia, Canada, and Europe, par...
Read more

The Strength to Forgive: Building Unity in a Divided Myanmar (By Danny Bawibikthawng)

By -
Image
The Strength to Forgive: Building Unity in a Divided Myanmar By Danny Bawibikthawng “The author of this paper is not a politician or a revolutionary, but a former citizen of Myanmar and an immigrant pastor in the United States. This reflection is written from the perspective of one who has closely observed the suffering, resilience, and hopes of his people—both in the homeland and in the diaspora. It is offered with the sincere hope that unity will emerge through forgiveness, and that Burma may one day flourish in peace, justice, and shared dignity among all its people.” Introduction Myanmar is a country rich in ethnic diversity, cultural heritage, and spiritual resilience. Yet, its history has been scarred by conflict, colonialism, military dictatorship, and deep internal divisions. The collapse of national unity cannot be attributed merely to external threats or oppressive regimes, but also to the fractures within. Today, as the nation suffers under renewed violence following the 202...
Read more

Mother’s Day: Honoring Our Mothers as a Sacred Pathway to God’s Blessing

By -
Image
  Mother’s Day: Honoring Our Mothers as a Sacred Pathway to God’s Blessing By Danny Bawibikthawng    Mother’s Day is celebrated around the world, though the date may vary depending on country and tradition. In the United States, Canada, Australia, and even Myanmar, Mother’s Day falls on the second Sunday of May. While many see it as a modern holiday, the practice of honoring mothers goes back much further—rooted not in social custom alone, but in God’s Word. The Origin of Mother’s Day The modern celebration of Mother’s Day in the United States began through the efforts of a Christian woman named Anna Jarvis. In 1908, she organized a service in memory of her mother, Ann Reeves Jarvis, at St. Andrew’s Methodist Church in Grafton, West Virginia. Her mother had served faithfully as a caregiver during the Civil War, offering support and compassion to many. Although the U.S. Congress initially rejected the idea of a national holiday, Anna persisted in her campaign until Preside...
Read more