Nunnak Biatak: "THLARAU NUNTHANNAK (OR) THANCHONAK DINGAH A HERHMI THIL(5)"
1.Thlacamnak ( 1 Thes. 5:17 ; Fil. 4:6,7 ; Jn. 16:24 ; 2 Chanrel. 7:14 ; Sam 51:12 ; Sam. 5:3 ; Luk. 18:1)
Thlacamnak hi kan thlarau nunnak hrampi caah thaw a si. A suallam cu Pathian he i chawnh, bia i ruah, i hawikomh tinak a si. Thlacam tik ah bia dawhdawh le bia thatha he thlacam ko nain nunnak, zumhnak lungthin he thlacam tung lo cun zeihmanh saan a thlai lo. Cu caah thlacam tik ah zumhnak he kan nun taktak in Pathian sinah thlacam ding a si.
2. Baibla Relnak (Josh. 1:8 ; 1 Pit. 2:2 : Isai. 55: 1-3 ; Lam. 17: 11 : Sam. 1:1-3 ; 119: 1,9 ; Sam 119: 11, 105, 130, 165 ; Pro. 4:20-22 ; Deut. 8:3 ; Ezek. 3:1-3 ; Mat. 4:4 ; Luke 4:4)
Biabal rel hi kan thlarau thawnnak caah rawl a si. Hrinthar ka te ah rel cawlh lo dingah a tha tiah ka ruahmi Baibal Cauk (Biathlam, Hebru, Korin 1 le 2). Hrinthar kaa te ah relding ah a tha mi cu Thawngtha Johan le Rome Cakuat hna hi an si.
3. Tehte Khannak (Jn. 4:34 ; Rom. 10:9 : Mat.10:32-33; Lam. 4:20; 1:8 ; 5:42 ; 6: 4; 2Tim 4:2; Bia. 12:11; 1 Kor. 9:16)
Tehtekhannak hi mitam deuh kan ca cun ka ni harh ngaimi a si. Sihmanhseh Pathian nih a kan dawtnak rauh ah cun kan tihnak in Bawipa dawtnak chim kha a si deuh. Hi hi zumtu hna i kan rawl a si ve. Tehtekhannak nih hin na zumhnak cu a thawnter lai.
4. Zumtu hna he Hawikomhnak (Heb. 10:25; Phungchim. 4: 9-12; Sam. 133: 1-3; 2 Kor.6: 14-18; Biaceih. 13;14,15,16)
Hi hi hawidawt a biapi taktak mi a si. Samson nun kha rel hmanh. A hawi komhni hna hi miphundang (zumlotu) leuh lawngte an si caah a donghnak ah a sam an tan i a mit an khoih i a thi. Zumlotu hna he lung i hrawm ngai in hawikomh tuk ah cun Samson bantuk kan si sual lai. I ralring!
5. Thangthat Hlasaknak (Kol.3:16;Exo. 15:2; Ruth 4:14; 2Ch.5:13; Ps.119:175 )
Bawipa thangthat hi a sunglawituk. Thlarau lei ah thannak a si.
A cunglei kong hi a tawinak in ka rak langhter mi a si. Pathian nih ka zapi te nunnak ah lungthin, thlarau, taksa ngandamnak ka pe ko seh. Danny Bawi Thianhlun |
Comments
Post a Comment