Biazia: Tuar A Har Ee

"Tuar A Har Ee"
(Danny Bawibikthawng)
February 02, 2012

Hi leicung ah, a har khun ee,
Nuhrin fa cio, dotla lo bang,
 Inautat le, a kan tuahto,
Ruah lengmang ah, tuar a har ee.

Pathian sermi, minung cio pei,
Kan si tiah, minung ciocio,
Ui duh lo le, ar duh loin,
A kan tuah hi, tuar a har ee.

Khuazing Pathian, Sertu hmanh nih,
Fihnung tteifiak, misual hna hi,
Thleidan ngei lo, a kan dawt ee,
Minung coicio, a kan huat hi.

Zangfah ngeilo, minung hawi nih,
Mi der thawm le, michanbua hna,
A kan soisel, a kan nehnam,
Ka ttang chung ah, tuar a har ee.

Mitling tlaklo, ka si tiah,
Mihmai zoh hmanh, ka ngamh ttung lo,
Mithmai ngeilo, ngakttah fa bang,
Nun a har ee, hi leicung hi.

Ka tuar rih lai, zeitik tiang khi,
Bawmtu ngeilo, ar bang ka vai,
Lawmh ni tiah, ni khat um lo,
Kei chuahchan hi, tuar a har ee.

Ka thin a fak, hi lei nun hi,
Tuar ka thiam lo, a fah zia hi,
A ho tal nih, theihpi ve lo,
Kei ka caah, tuar a har ee.

Kan van koih lo, ka ti zong ah,
Kei bang a tuar, an um hnga maw?,
A fak khun ko, ka thinlung hma,
Dawtu ngeilo, hi leicung ah.

Hi maw ka nun, ka hram tawn ee,
Zeitik tiang he, ka tuar rih lai?,
Khua caan hna nih, kei lungthin ah,
Khua a hlau lo, a mui caamcin.

Hi leicungah, dawtu pakhat,
Kei lungthin ah, rung luh sehlaw,
Maw kan nun aw, chuahchan na ngei,
Ka ti hnga mu, maw kan thin aw.

Chim a har i , tuar a har mu.
Lungchung hmarung, hmuh a har ee,
Ka tuar rih lai, hi lei nun chung,
Kan hram riangmang, tintling cungah.

Zeiti ttha mu, ka tuar rih lai,
Tuar a har ee, ti len zong ah,
Theitu um lo, kei ka caah,
Ka ttang chung hma, tuar a har ee.

…….. <3 <3 <3 ………








Comments

Popular posts from this blog

When Neutrality Is Not an Option: Why the Church Must Use Its Resources to Defend Christian and Ethnic Minorities in Myanmar

The Strength to Forgive: Building Unity in a Divided Myanmar (By Danny Bawibikthawng)

Mother’s Day: Honoring Our Mothers as a Sacred Pathway to God’s Blessing