Ka siarem deuh lo!
Minung hi, (Danny Bawi Thianhlun) Hal loin ruahnak tamtuk cheuh kan hmang. Mah nih zeihmanh pek ttung loin mi sinin tamtuk ruahchannak kan ngei. Ttuanmi um lo nain mi nih tthangtthat kan duh tuk. Ca rel ttung loin mi chim mi poah ah a thei a hngal dih bantuk in biachim kan hmang. Kan sining lengin kanmah le kanmah kan i zohcho tuk. Ttuanman (Salary) pek loin mi kong ceih ah kan i pe kho tuk. Chanbaunak ngei lo bantukin midang tlamtlin lonak ah a hleitluak in soisel kan thiam. Mah thangtthat duh lo bang, mi thangtthat kan i harh tuk. Sualnak palhnak tuah ballo bang mi ngaihthiam kan duh lo. Mah nih thil ttha tuah khawh ttunglo i mi thilttha tuahmi doh ah cun cozah rian pekmi bangin tei kan ma. Mi tthancho mi hmuh tik ah mah chawva aazukmi bang hnahchuahnak le thinhunnak ruangah pum tiang in kan zaw (damlo). Tuah sual caan zongah ka palh ti kan duh lo. Mi cawnpiak kan thiam ngai ko nain mi nih a kan cawnpiak tik ah cohlan khawhnak lungput kan ngei lo. Zuamlo thathut tuk ko b...