Nu le nu, pa le pa ih ṭi cu Baibal nih zeitindah a ti? (Homosexuality)
April 13, 2015 Nu le nu, pa le pa ih ṭ i cu Baibal nih zeitindah a ti? (Homosexuality) (Danny Bawibikthawng) Pathian nih vawlei cu a fimnak he a ser i a chung i a ummi sermi thil vialte hna zong ningcang le tinhmi ngei in a ser hna. Zeizong vialte cu bia in a ser nain minung cu amah hrimhrim nih amah muisam keng in a ser (Gen. 1:27). A sermi minung cu nu le nu, pa le pa siloin “Mipa le minu (Gen. 1:28)” tiah sullam ngei tein a ser hna. Zeiruangtiah, Pathian nih tefa tampi ngeih in vawlei khuazapkip cu khat ter dih dingin timhtuahnak a ngeih caah a si. Pathian nih minu le mipa cu thluachuahnak a pek hna i, “Tefa tampi in ngei ulaw nan tefa cu vawlei cung khuazakip ah khat hna seh (Gen. 1:28),” tiah a ti hna. Minung karhnak ding ahcun nu le nu lawng in a si kho lo i pa le pa lawng zong in a si kho lo. Nu le pa fonh lawng in a si kho mi thil a si. Hi vawlei hramthoknak zoh hmanh ah hin Pathian nih sullam ngei le tinhmi ngei in minung a ser hna timi hi i fi...