Khrihfa le takvun cung i hmelchunhnak tuah (tattoos)
Khrihfa le takvun cung i hmelchunhnak tuah (tattoos) Danny Bawibikthawng Kan vawlei hi ṭhanchonak lei ah kan panh cuahmah bantukin minung nih kan kherhlai khawh mi thil hna zong hi ruah ding tampi a um. Atu chan i kan hmuh mi kan pum cungah kan i suai/ ṭial mi (tattoo) hi tu chan lawng ah siloin a luan cia mi kum tampi lio zongah minung hna nih an rak hman timi cu fiang tein hmuh theih khawh a si. Kan pawngkam zoh tik zong ah ngakchia upa, nu pa tilo in an i suai/ṭial ṭhup mi zong kan hmuh. Cu he pehtlai in, khrihfabu nih zeitindah kan hmuh i zeitindah kan dirpi lai tihi ruah lo awk a ṭha lo. Kan fale le kan mino hna tampi zong nih a kan hal cuahmah mi biahalnak a si. Chin mi nu le pa tam deuh nih cun kan duh lo caah a ṭha lo tiah fawi tein kan leh hna lai nain fimnak a cawngmi kan fale le kan mino hna nih cun kan bialehnak hi an i lungsi theng lai lo. Cucaah, hi bantuk tete thil kong ah biahalnak a kan ngeih tikah kan dirhmun cu Baibal nih zeitin...