Nunnak Biatak:"Khrih Thihnak Hi Na Caah Sullam A Ngei Maw?"
March 25, 2012 "Khrih Thihnak Hi Na Caah Sullam A Ngei Maw?" (Danny Bawibikthawng) "Aa lim cang," tiah a ti. Cun a lu a khun i a thi. (Johan 19:30) Khrihfa kan sinak ah a biapi bik mi cu Khrih thihnak le thawṭhannak kong hi asi. Khrih thihnak le thawhṭhannak hi umlo sisehlaw Paul nih a ti bang Khrihfa zumtu nang le kei kan zumhnak hi pakpalawng a si hnga i ruahchannak kan ngeihmi zong hi zei hmanh lo an si men hnga caah kan i nun pi mi le kan aupi mi khamhnak thawngṭha zong hi sullam a ngei hnga lo. Cathiang nih "Nawlbai ning ah cun zei paohpaoh hi thisen in thianh a si i sualnak hi thisen luanh lawnglawng in ngaihthiam a si. (Hebru 9:22)" . Baibal Cahlun chung zoh tik ah sualnak caah raithawinak tuah hi Pathian nih Moses hmang in Israel miphun hna sin ah nawlbia a pek hna hlan hrimhrim in a rak um cang tihi hmuh khawh asi. A voi khatnak raithawinak cu Amah Pathian hrimhrim nih Amah Pathian hmai i sualnak a tuahmi Adam le Ev...