Nunnak Biatak

Khrihfami Caah Ṭ ih A Nung Mi le Ralrin Awk   A Herhmi (Mormonism & Jehovah’s Witnesses) Danny Bawibikthawng Khrihfami nih zumhnak i kar kan hlannak ah biapi tukin kan rak ruat bal theng lo nain kan caah ṭ ih a rak nung tukmi cu Johevah zumhnak a pommi le Mormon cawnpiaknak a zul mi pawl hi an si. Hi hna hi inn kip vak in cawnpiaknak a ngeimi bu an si. Mi lunglut dingin biachim an thiam caah Baibal biatak tam a thei lomi le zumhnak ah fek tein a dir lomi nih cun an chimmi hi cohlan a fawi te. Baibal hmang in cun an cawnpiak kong hna nain a hman lo mi le a dik lomi cawnpiaknak a ngei mi an si. Khrihfabu le zumtu nih ka i ralrin cikcek a herh. Zeiruangahdah an cawnpiaknak cu ṭ ih a nun i kan hrial hna a herh tiah cun a tanglei hi zoh hna hmanh usih. Mormonism Cawnpiaknak 1.      Pathian hi a dang vawlei ah a rak ummi minung a rak si bal. Cucaah, minung hi Pathian ah a cang khomi kan si timi zumhnak le cawnpiaknak an kal pi. ·   ...