Nunnak Biatak

“Fale Caah Zeitikhmanhah Aa Thleng Lomi Thluachuah Hmuhnak Hrampi” (Danny Bawi Thianhlun) Ngakchia (Fale) hna, nan nule nan pa bia ngai hna u, cucu khrihfa rian a si i ahmaanmi thil zong a si caah nan tuah awk a si. “Na nu le na pa upat hna,” ti hi nawlbia hmasa bik a si i, cu ti na tuah ahcun na caah a ṭ ha lai i ram chungah saupi na nung lai,” tiah chap chih a si. (Efesa 6:1-3) Thlam reprai lo te chung i hlawmnak puan ṭ ha ṭ hi a ngei lomi hringtu nu le pa hmanh nih an kan hrinmi fale hna cu van arfi le thlapa tluk in a kan sunsak i a kan zohthla. Zeiruang tiahcun Cathiang nih “Fale hi BAWIPA sinin kan hmuhmi ro an si, thluachuah a kan pekmi an si. (Salm 127:3)” tiah ati. Hrinmi fale cu Bawipa sinin hmuhmi ro le Bawipa sinin hmuhmi thluachuah laksawng sungbik an si ticu chimh le cawnpiak hau loin hringtu nu le pa nih an thisa chungah le an nunnak hrimhrim ah an i fiang tuk cangmi thil asi. Nunnak le thihnak ri i hrinmi fale caah hringtu nu le pa nih an duhbikmi cu hrinmi fale t...