Nunnak Biatak: Vawlei Ah A Hmun Ding A Um Maw?
December 02, 2012 (Sunday) Vawlei Ah A Hmun Ding A Um Maw? (Danny Bawi Thianhlun) Kan vawleipi le a chung i a cangmi thil hna kan zoh tik ah kan hmuhmi cu minit (minute) pakhat ah minung 105 an thi, suimilam pakhat ah 6316 nunnak a liam., ni khat ah cun 51,600 nih thihnak thlanmual a kan liam tak timi hmuh khawh a si. Cu chungah cun nang le kei zong a kal ve ding kan si tikah cu thihnak kong cu kan ruat lai lo ti zongah ruah lo khawh a si lo. Cucu zeitindah an thih cio hna ti tikah, "Minung cu a nunnak hi ram bantuk men a si ko; a hung ṭhang i ramlak pangpar bangin a hung par. Cun thli a hung hrang ciammam i a lo ai, a hohmanh nih an hmu ṭhan ti lo (Salm 103:15-16)." Cun a thawh ṭhan i, "Minung cu thaw bantuk men a si ko, a nun chung ni hna cu a liam zuami thladem bantuk men an si ko (Salm 144:4)" tiah a nolh ṭhan. Cucaah, a thimi kan minung hawi hna hi irelh lo lio ah le chikhat mitṭhep kar ah an nunak a rak liam cio tihi Baibal nih fiang...