Nunnak Biatak: “Baibal nih Nauhrawh (Abortion) timi kong hi zeitindah a chim?"
March 04, 2012 “Baibal nih Nauhrawh (Abortion) timi kong hi zeitindah a chim?" (Danny Bawi Thianhlun) Baibal nih nauhrawh (Abortion) timi biafang cu a langhter lo nain hrin rih lomi fa (Unborn children) kong cu hmun tampi ah biapi ngai in a chim. Baibal nih hrin rih lomi fale cu minung (Persons) tiah a ti. Cucaah, nauhrawh cu lainawn asi caah Baibal nih sual asi a ti. Atanglei hi pehzulh tein rak zoh rih hmanh usih. 1. Lainawn (Murder) cu sual asi. (It is wrong to murder a person) Lainawn (Murder) timi le mithah (Kill) cu an i dannak a um. Lainawn timi cu ningcang loin le upadi nih nawlpek loin minung nunnak lak asi caah cucu a diklomi tuahsernak asi i Pathian bia zong nih sual tiah ati. Lainawn timi zawn ahcun upadi nih nawl pek buin tuahmi asi kho lo. Mithah tinak zawn belte ah hin phundang deuh in chim ka duh. Mithah (Kill) timi cu minung pakhat a sual ruangah upadi ningin thihdan (Death Sentence) an pek mi khi ka chim duhmi asi. ...