Nunnak Biatak

Khrihfami Nih Khrismas Hi Kan Tuah Awk A Si Maw? (Danny Bawi Thianhlun) Khrismas timi biafang hi Baibal chungah a um lomi a si nain nihin kan vawlei ramkip ah Khrih zumtu hna nih sunglawi ngaiin kum fatinte kan tuah zungzal. Khrismas a rak  thawhkehnak tuanbia le sullam hi mi tampi nih phundang cio in an chim an ṭ ial. Khrihfa aa ti ve mi minung tampi zong nih Khrismas timi cu Baibal zongah a um lomi a si lengah Khrih chuahnak ni taktak zong ahohmanh nih theih a si lo caah tuah awk a si lo tiah an au pi i mi cheu nih cun soiselnak le dohnak lei pang zong  in a rak chimmi tampi a um. Cu kong cu kannih Chin khrihfami hna zong nih ruah lo awk a ṭ ha lomi thil ah a hung icang ve. Cu a si caah, Khrismas tuah awk a si le silo nak kong he pehtlai in ahonih zeiti an ti zongah kannih Chinmi khrihfami nih cun a tanglei hmuhnak le lungput he khrismas cu hmu kho in pom kho hna usihlaw a ṭ ha lai tiah ka ruah. Khrih a chuahnak ni taktak cu Baibal thiamsang tampi hna le...