Nunnak Biatak

United Nations Organization (UNO) Kong Tlawmpal (Danny Bawibikthawng) UNO timi cu ram tampi nih hruainak phunghram ttha tein tuahmi tangah dirhmi/ thawkmi bu a si. Vawleicung ummi fonhmi Bu vialte lak ah a nganbik mi bu a si. Rianttuannak zongah hmual ngeibik in le kaubik in a cawlcang I minung caah tthathnemnak tampi a chuahpi tu bu zong a si. Mi fim tampi hna nih UNO tluk in rian a ttuan kho mi bu vawleicung ah an sem rih lo an ti fawn.  UNO an dirhnak a sullam bik cu kan vawlei pi ah daihnak le hnangamnak / himnak  (peace and security) a um zungzal khawhnak lai UN chungtel ram vialte nih hmunkhat te ah khuakhan lairel tti nak he rianttuannak zong ngeih tti  ding  tiah sermi bu a si. UN Hruainak Phunghrampi (UN Charter) UN Charter (Constitution) timi UN  hruainak phunghrampi cu ram 50 aiawhtu upa hna nih June 26, 1945 ah San Francisco khua, USA ram ah hnatlaknak an rak ngeih pi i minthuhnak in an rak sermi a si. UNO Dirh Ni ...

"USA ummi Chin Miphun Kong Tlawmpal." D@nny B@wi Thi@nhlun Atulio Chin ram (Chin State) le Kawlram chung i ummi kan Chin miphun hi kan zapi ah sing 4 in sing 5 kar ka um ti a si. Kum 2000 hnu in ram dang kal cu biatak tein rak ithawk a si tik ah atu ah cun Kawlram le Chin ram ah minung hi sing 4 tluk hlei kan um ti lai lo tiah zumh a si. Malaysia, India, le Thailand ram hna hmanh ah ralzam dirhmun in a ummi hi sing 2 hrawng kan um ti a si. Cuti kan ram ah eidin le khausak har ruangah ralzam dirhmun in hmun kip le kaakip ah a lamkip in ram dang kal cu zuam cio a si. A tu ah cun Chin miphun hna hi Malaysia, India, Thailand hna le adang Asia ram hna lawng ah sitiloin vawlei ram khuazakip tluk nawn ah kan phan cang hna. Mi tamdeuh kan phaknak hna ram cu USA, Canada, Australia, Norway, Sweden, Denmark, Czech Republic ram hna ah a si. Cun Romania zong nih Chin mi a kan lak ti thawng kan theih. Cu lak ah cun Chin miphun milu tambiknak hi US ah hin a si. US ummi Chin Miphun Milu...

Pathian Bia cu.. (Danny Bawi Thianhlun) Mi lunghak caah, Khuaitu Sobul (Jer. 23:29) Nunzia caah, thiantertu so mei (Jer. 23:29) Kan tuanbia caah, hmuntertu thlalang (Jeim 1:23) Thawngttha caah, karhtertu thlaici (I Pit. 1:23) Sualnak caah, thianhtertu Pathian bia ti (Efe. 5:26-27) Ka lam caah, lam hmuhsaktu mei inn (Ps. 119:105) Harnak caan ah, cawmtu ruah le hawhra (Isia. 55:10) Sualnak chungin, tan khotu vainam (Heb. 4:12) Sifak caah, rumtertu sui (Ps. 10:7-10) Zumlo tu ca’h, zumnak pekhotu (Rom. 10:17) Minung caah, hrintthannak pekhotu huham (I Pit. 1:23) Mider caah, thawntertu rawl (I Pit. 2:2) Ngakchia caah, cawmtu hnuuk (I Pit. 2:2) Rawlttam caah, cawmtu chang (Mat. 4:4) Patling caah, thazaang petu sa (Heb. 5:11-14) Ramcar hmun ah, Khuaihliti (Ps. 19:10) .....†††.....

  Dawtnak Phundang! (D@nny B@wi Thi@nhlun) Lungthin chungah, a thar zungzal, Vanbawi fapa, thisen ttialmi, Dawtnak tuanbia, a sungkhun ee,  kei lungthin ah, hi hlei dawtnak, A um lai lo, ka nunchung ah. An phai tawn ee, hi Lei dawtnak, A hmun lomi, dawtnak hna cu, Caan roh ah cun, an liam tawn ee, Sihmanhsehlaw, Khrih dawtnak cu, Caan sau chinchin, a sung khun ee. An chim tuanphung, nu le pa nih, Miding caah, dirkamhtu an tam, Mifim caah, dawtnak hmuh fawi, Mi ngei caah, dawtu an tam, Mi ttha caah, mi nun an siang. Sihmanhsehlaw, keibang misual, Mi tlamtling lo, michanbau bik, Dawtu ngei lo, ngakttah fabang, Mithmai ngei lo, riak lang va bang, Bawmtu ngeilo, mi fapa cu. Ruahchannak nih, a tlik tak cang, Thil zeizong te, a nih caah, Dawh ni um lo, hi vawlei ah, Mithmai ngei lo, mi mithmai ah, Anih caah, vawlei cu hell. Caan tawi techung, nun caan zongah, Lawmh ni ngeilo, ngakttah fabang, Mah lawng hi maw, kei ka nun chan, Khawikaa tal in, bawmhnak um maw? Hitin hin maw?, ...

Theihawktlak Baibal Cauk Kong! Tuni Vawilei cungah hin Holh (6800) hrawng a um ti a si i cu chungah cun Holh (2500) renglo nih mah Holh tein Baibal (Bible) an ngei i an rel khawh. Cu chung ahcun kan nih Lai /Chin Miphun zong nih mah Holh tein Baibal kan ngei ve. A sinain Holh (2000) lenglo nih mah Holh in Baibal an rel kho rih lo. A minung in cu Million (440) nak tam an si. Baibal timi biafang hi Mirang holh a si i Greek Holh "Biblos" or "Biblion" timi in a ra mi a si. A suallam cu "THE BOOK" Cauk tinak a si. AD 398-404 hrawng ah khan Baibal tiah min pek a rak si. A cheu nih cun "John Christianson of Constantinople" ti zongah an ti. Baibal ah hin Old Testament (Cahlun) le New Testament(Cathar) tiah tthen a si i a uk in cun (66) a um. Cahlun (OT) uk 39 le Cahtar (NT)ah uk 27 ti in a rak um. Baibal Cahlun (OT) ah a ngan(Chapter) 929 a um i Baibal Cathar (NT) ah a ngan (Chapter) 260 a um. A zapi te fonh ah a ngan (Chapter) 1189 aum. A...